木屋ラーメン

Open Now

Now Closed

參考大家嘅評價，呢一間隱世拉麵店絕對係高性價比。首先舖面設計，一入門口大約有十至十五個bar枱位，後面通道算寬敞。再入係普通枱，大約有廿幾個位，我一個人去需要搭枱。環境十分之乾淨，枱上有一個桶，裝咗點餐紙、marker pen及即棄木筷子。由於只得二人打理，所以坐bar枱落餐會快啲，如果坐曾普通位，女職員會過嚟收點餐紙及錢。我今日去未開舖已經有人龍，入滿後職員會逐張枱收錢，上餐大約需要十幾分鐘都唔算慢。我點慢煮叉燒拉麵另加慢煮鴨肉（十元），魚乾湯底，拉麵已附上溏心蛋及筍，唔夠亦可以再加，拉麵不能選擇軟硬口感，我覺得係偏硬，鴨肉油香味濃，叉燒瘦身清爽，湯底不會太咸，不過唔記得幫我走葱🙂‍↕️，整體來講$65（$10鴨肉）有如此質素值得排隊。