Video
Read full review
2019-05-03
154 views
銅鑼灣返工有樣好，就係lunch time想食咩都有，平有平食，貴有貴食~今日俾個客激到嬲嬲地，咁當然要對自己好d，食返d好野~之前見到呢間Tapa Room已經想去試下，不過同事們話貴，就咁skip左，今日一個人，就試下先~我叫左個lunch set，$168加一，食個lunch要呢個價，係有d肉赤🤪，不過食完之後，就會覺得值！🥰🎃是日餐湯 - 南瓜湯今日係南瓜湯，我鍾意佢南瓜味重，南瓜肉比較多，唔會只飲到cream味，落足料，面頭加左少少紅椒粉，有少少辣，幾醒胃！🐙前菜 - 薄切慢煮八爪魚平時對八爪魚無特別喜愛，不過呢個就真係幾正，肉質爽口彈牙，加埋蕃茄、芝麻、橄欖油、黑胡椒......嘅dressing，酸酸甜甜，好醒胃，做頭盤啱曬！🐷主菜 - 西班牙黑毛豬鞍架 伴 些厘醋燒汁 ($168)我成日都覺得要煮到一件好嘅黑毛豬係唔容易嘅事，因為太熟就會令肉質變韌，太生又怕有細菌，所以絕對係考廚師嘅經驗！而呢一塊雖然唔算係完美，不過我都俾90分佢👍🏻，因為當我切開嘅時候，係全熟得黎又唔算韌，充份保留到肉汁係豬鞍架裡面，加埋醋燒汁，中和返肉類嘅膩，令本來好似好有份量嘅豬鞍，都可以輕鬆食清
今日俾個客激到嬲嬲地，咁當然要對自己好d，食返d好野~
之前見到呢間Tapa Room已經想去試下，不過同事們話貴，就咁skip左，今日一個人，就試下先~
我叫左個lunch set，$168加一，食個lunch要呢個價，係有d肉赤🤪，不過食完之後，就會覺得值！🥰
南瓜湯
10 views
0 likes
0 comments
🎃是日餐湯 - 南瓜湯
今日係南瓜湯，我鍾意佢南瓜味重，南瓜肉比較多，唔會只飲到cream味，落足料，面頭加左少少紅椒粉，有少少辣，幾醒胃！
薄切慢煮八爪魚
9 views
0 likes
0 comments
平時對八爪魚無特別喜愛，不過呢個就真係幾正，肉質爽口彈牙，加埋蕃茄、芝麻、橄欖油、黑胡椒......嘅dressing，酸酸甜甜，好醒胃，做頭盤啱曬！
西班牙黑毛豬鞍架 伴 些厘醋燒汁
$168
8 views
0 likes
0 comments
我成日都覺得要煮到一件好嘅黑毛豬係唔容易嘅事，因為太熟就會令肉質變韌，太生又怕有細菌，所以絕對係考廚師嘅經驗！而呢一塊雖然唔算係完美，不過我都俾90分佢👍🏻，因為當我切開嘅時候，係全熟得黎又唔算韌，充份保留到肉汁係豬鞍架裡面，加埋醋燒汁，中和返肉類嘅膩，令本來好似好有份量嘅豬鞍，都可以輕鬆食清曬
🥔我想特別提下個薯菜 (傍邊一粒粒個d丫~) 其實係薯仔粒，輕輕炒過，令外層脆卜卜，好似食緊薯片碎咁，加少少好椒粉，好惹味~😋
食完再嘆返杯即磨咖啡，咩煩惱都冇曬~
裡面嘅環境都好chill好舒適，加埋開放式嘅門口，有d去左西班牙嘅感覺~
價錢屬於中上，不過值嘅~
Post
