御名園

Open Now

Now Closed

今日同朋友去荃灣行街，行到攰就搵嘢食。見到有一間御名園酒樓，裝修唔錯，應該坐得幾舒服，所以就入去食晚餐了。餐廳空間感好好，入到去，感覺好舒服。食物方邊，有好多種小菜選擇，又有套餐，價錢都算抵食。乾䓤頭抽文昌雞 - 非常入味，雞味配合頭抽，好好味。雞肉都好滑，啖啖肉，正呀。金蒜銀絲蒸空運聖子 - 聖子超大隻，肥大肉厚，又鮮味，蒸得啱啱好，完全唔韌。聖子底部有粉絲，吸收了聖子的鮮味，好好味，一定要食。上湯龍蝦炆伊麵 - 龍蝦好鮮甜，啖啖肉，絕對唔會殼多個肉。伊麵非常淋，吸收了龍蝦及上湯的味道，好食到不得了👍🏻最後，一碗熱辣辣嘅 番薯糖水，為這一餐飯畫上完美的句號。總括嚟講，呢間酒樓都算價廉物美，CP值高。