Running 燒 (Closed)

作為食肉獸嘅我，不定時就要豪下肉，滿足下個胃，所以韓燒都係我嘅好選擇！Running燒都幾大間，而且入去嘅時候即使已經半滿，但係都唔會油煙好大，呢度已經好加分！Menu食物種類都幾多，除咗肉類之外亦都有唔同嘅海鮮選擇，另外我見仲有炸雞揀，同埋都有唔少嘅韓式主食！作為食肉獸嘅我最推薦一定係豬肉五花腩，好快燒得熟，而且兩邊都燒到金黃，同埋燒到燶邊咁食，真係大推！另外比較推薦嘅係燒帶子同埋羊肉，亦都係今餐比較有驚喜嘅食物！