Video
Read full review
2023-07-22
1921 views
Bistro Breton by la creperie地址: 西環西營盤德輔道西321號瑧璈地下3號舖#yauyau_西環呢一間喺西營盤嘅法國餐廳係我第一次食法國菜，佢吸引嘅地方，應該係佢相對友善嘅餐牌同埋價格，可以試法國地道嘅風味。另外啲位都幾好坐，係同隔離位會有啲近，聽到人哋講咩，不過佢都播下歌，細細聲情侶講嘢都唔會聽到。Dinner set $348/1set🍞🍞餐前麵包 $free佢啲麵包有啲硬，同埋唔熱，舊牛油仲好凍添，我覺得佢係專登整到咁樣嘅，因為之後嘅前菜好適合用嚟送佢舊麵包。🐌🐌Escargots de Bourgogne 未食過法國菜都知道法國人係超鍾意食蝸牛嘅，佢用咗一啲蒜蓉牛油嚟整，焗到好香口，啲蝸牛食落好煙眼，有啲似章魚但係嗰浸香味係唔同會係清爽啲嘅。個面仲有塊脆脆俾你送，可以冇咁油膩。🥟🥟Ravioles de Royan 佢呢隻係細細粒嘅雲吞，入面包咗啲芝士咁，佐咗啲芝士白汁咁，我冇乜好專門咁研究過芝士，分唔到佢哋咩名，但係佢嗰兩隻芝士一香一咸，好入口開胃。我就係係呢個菜到點哂啲面包嚟食，佢個汁送面包真係一流。🍖🍖Beef Burgundy 個牛面頰肉真係
地址: 西環西營盤德輔道西321號瑧璈地下3號舖
#yauyau_西環
呢一間喺西營盤嘅法國餐廳係我第一次食法國菜，佢吸引嘅地方，應該係佢相對友善嘅餐牌同埋價格，可以試法國地道嘅風味。另外啲位都幾好坐，係同隔離位會有啲近，聽到人哋講咩，不過佢都播下歌，細細聲情侶講嘢都唔會聽到。
Dinner set $348/1set
🍞🍞餐前麵包 $free
佢啲麵包有啲硬，同埋唔熱，舊牛油仲好凍添，我覺得佢係專登整到咁樣嘅，因為之後嘅前菜好適合用嚟送佢舊麵包。
🐌🐌Escargots de Bourgogne
未食過法國菜都知道法國人係超鍾意食蝸牛嘅，佢用咗一啲蒜蓉牛油嚟整，焗到好香口，啲蝸牛食落好煙眼，有啲似章魚但係嗰浸香味係唔同會係清爽啲嘅。個面仲有塊脆脆俾你送，可以冇咁油膩。
🥟🥟Ravioles de Royan
佢呢隻係細細粒嘅雲吞，入面包咗啲芝士咁，佐咗啲芝士白汁咁，我冇乜好專門咁研究過芝士，分唔到佢哋咩名，但係佢嗰兩隻芝士一香一咸，好入口開胃。我就係係呢個菜到點哂啲面包嚟食，佢個汁送面包真係一流。
🍖🍖Beef Burgundy
個牛面頰肉真係好食到嘩一聲，牛肉燉到軟淋入味，酒香又夠出但係又冇酒精浸味。旁邊啲蘑菇入哂肉味，同啲香草好夾。隔離啲薯蓉都幾重牛油味，食哂都有少少油膩。
🥠🥠La Paimpol $+38
呢個有用咗黑松露係帶子上面，法國菜嘅海鮮都唔會伏得去邊，食咗好鮮甜。不過同個上面牛肉就唔夾啦，兩個菜都好多菇，食到有啲滯，下次嚟可能叫一個set 要散叫其他海鮮就好。
🍮🍮Crème Brulee
蛋香極濃郁，面嗰塊蕉糖燒得啱啱好，同下面個custard 互補長短，食到飽晒都想繼續食。
🫓🫓Crepe Les Voiles de Saint Tropez
Crepe 係呢到必試嘅item ，個皮整得好香滑，唔會好甜，咁就好啱上面啲雪糕同熟蘋果啦，下面個皮可以溝淡番啲甜味，啱晒食main course 食到滯嚟個好好嘅收尾。
呢到另外有中文餐牌同店員（叔叔），唔駛驚叫錯或者唔識讀啲法文字。雖然我上網背埋點讀去點餐，店員都好似聽唔明咁🥲，我下次都係this this this 算。
味道: 4.3/5
服務: 4/5
環境: 4/5
番兜: 4/5
#西環美食 #西營盤美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #法國菜 #西營盤法國菜 #BistroBretonbylacreperie #bistro #lacreperie
Post
