LA FAMILLE

Open Now

Now Closed

人氣打卡戚風蛋糕，一定係各位少女心最愛🥰行到銅鑼灣時代廣場，發現樓下有一間分店，地點就腳好方便，一於買幾個蛋糕同屋企人分享下先！.為咗保持每個蛋糕嘅濕潤，每一個都用獨立嘅玻璃罩罩住，真係好貼心。沖繩黑糖栗子蒙布朗上邊有粒原粒嘅栗子，下邊係栗子蓉做嘅cream底，栗子蓉都好順滑而且唔會太甜，少少忌廉之餘，都可以食到栗子嘅香味。.雙重朱古力dark chocolate比例都幾重，而且甜度適中，有香濃嘅朱古力味，上邊仲有幾粒朱古力脆脆,好得意。.京都焙茶俾佢個外形吸引咗，蛋糕係香濃嘅焙茶味，入面仲有黑糖麻糬，好可愛。