古珐蛋糕 (花園街) (Closed)

最近大熱食物，非古早蛋糕莫屬。蛋糕店開到成行成市，聽聞古珐蛋糕連發哥都成日幫趁，今日跟過太子分店一於試下。原來有好多口味選擇㗎，原味芝士同鹹蛋黃都好想試。不過同行嘅小朋友話要食朱古力，唯有滿足下佢啦。一返到屋企小朋友就急不及待話要食啦，蛋糕質感好有彈性，咬落去好鬆軟。入面仲有原粒朱古力，多重口感。蛋糕仲係零香精零色素零防腐劑，健康又好味！至於分量都好足，當日食唔晒放咗喺雪櫃，第二日拎返出嚟叮嚟食都仲係好鬆軟。