炊豕店 (曉悅) (Closed)

一睇店名就知道係食豬嘅專門店，喺香港較少用豬為主打嘅食店，所以絕對吸引到我去探店，門口有兩張細枱，別具一番風味😊喺餐牌見到啲食品都流晒口水，部份仲係非常獨特嘅口味，而店員提醒可選擇連餐牌都仲未update嘅麵食新產品😍既然係新出品，又點會錯過，用剔剔紙非常方便😀拌麵嘅汁料非常香，而且上面嘅魯肉肥瘦參半，非常惹味，招牌嘅炸豬扒更加係冇得輸，外層香脆，內裏非常鬆軟，當中都有一定嘅厚度，大滿足！蔥油豬扒飯～用熱油逼出䓤嘅香味，加上白芝麻同其他香料，絕對係獨有嘅味道，飯內亦加有豉油，呢個招牌菜，真心值得推介！