三井飽餅專門店

Open Now

Now Closed

晌附近嘅百樂門燒味荼餐廳食完晏，同太太兩個人周圍逛，因為甚少嚟慈雲山，仲晌鳳德公園打個轉，大話西遊咁。但由上面毓華街行落去黃大仙港鐵站，經個依間三井，見啲鬆餅整得幾似模似樣，又好抵，就不如買啲返屋企下午茶！提子鬆餅 $3如果叫英式鬆餅或士乾（scone）就一講就易明係乜，$3真係幾抵，都幾大個吓，質感幾好，比一般士乾軟身同無咁乾，返到去我哋都係搽番果醬嚟食。藍梅鬆餅 $4.5依個就係美式鬆餅（muffin），雖然做得幾鬆身，但只有面面一撮仔藍梅醬，其實成個鬆餅無乜藍梅味，估計都係用色素溝粉漿焗，所以睇外觀先幾有藍梅鬆餅個樣。不過，$4.5一個街坊嘢，都唔會一早有太多期望啦！