Video
Read full review
2017-08-17
1119 views
滷水鵝片配大豆芽底，黃金比例有肉有膏有皮，滑彈嫩軟集於一身。鵝皮滑滑黏在嫩肉之上，彈彈的鵝肉不鞋不硬滲著肉汁。師傅刀功熟練，厚薄得宜有水準，太厚會韌、太薄無趙頭！沾點清香甜美滷水汁品嚐，不咸不濁，非常美味！捲上大量蒜醋醒神開胃，捲上大量辣椒油惹味刺激，捲上大豆芽清甜爽脆又多汁！點樣食都滋味無窮，蠻喜歡這個！其實配白飯同樣一絕，不過要留肚食多點好野呢，貪吃食家。熱大眼雞，唔想食凍魚飯，唯有嘗試問侍應嬸嬸有無即蒸大眼雞食？說差不多蒸好喇！有無咁好采，居然有新鮮出爐熱辣辣蒸大眼雞食，so lucky！首次係潮州打冷食到。出晒煙送到，比清蒸還要清的蒸法，只用上薑已足夠，原汁原味，不用蔥、不用鹽、不用豉油，只是新鮮就無得輸！青春無敵同一道理。食大眼雞梗係搶眼食先啦，食海斑就搶臉珠登，食黃魚就搶魚肚，食門鱔就搶肝同春，鯇魚就搶魚鰾！不變的定律，物以罕為貴麻！一雙大眼睛都係我囊中物，啫喱戕眼白甚是美味，啜啜啜乾涸殆盡！第二步脫掉厚厚紅色盔甲，露出白滑嫩肉，肉汁反晒光不停閃爍，非常誘惑，我忍不住喇！大大舊背脊肉掉入口，魚鮮味濃濃，魚汁潤澤香醇順喉，滑帶實淨，完全不能停下來。蒜蓉粉絲蟶子皇，每隻 $45
師傅刀功熟練，厚薄得宜有水準，太厚會韌、太薄無趙頭！沾點清香甜美滷水汁品嚐，不咸不濁，非常美味！
捲上大量蒜醋醒神開胃，捲上大量辣椒油惹味刺激，捲上大豆芽清甜爽脆又多汁！點樣食都滋味無窮，蠻喜歡這個！其實配白飯同樣一絕，不過要留肚食多點好野呢，貪吃食家。
熱大眼雞，唔想食凍魚飯，唯有嘗試問侍應嬸嬸有無即蒸大眼雞食？說差不多蒸好喇！有無咁好采，居然有新鮮出爐熱辣辣蒸大眼雞食，so lucky！
首次係潮州打冷食到。出晒煙送到，比清蒸還要清的蒸法，只用上薑已足夠，原汁原味，不用蔥、不用鹽、不用豉油，只是新鮮就無得輸！青春無敵同一道理。
食大眼雞梗係搶眼食先啦，食海斑就搶臉珠登，食黃魚就搶魚肚，食門鱔就搶肝同春，鯇魚就搶魚鰾！不變的定律，物以罕為貴麻！一雙大眼睛都係我囊中物，啫喱戕眼白甚是美味，啜啜啜乾涸殆盡！
第二步脫掉厚厚紅色盔甲，露出白滑嫩肉，肉汁反晒光不停閃爍，非常誘惑，我忍不住喇！大大舊背脊肉掉入口，魚鮮味濃濃，魚汁潤澤香醇順喉，滑帶實淨，完全不能停下來。
蒜蓉粉絲蟶子皇，每隻 $45 蚊十分經濟，我係街市買都要廿蚊隻。洗得都算乾淨白雪雪，只有微量砂，我原諒您。
蒸得不錯喎，嫩滑帶彈，並無乾硬韌感覺。暖暖地乍喎，幸好鮮甜無比，加上蒜蓉豉油辛中帶甜更加滋味，係欠左辣椒囉。
椒鹽鮮魷，鬆軟炸粉厚厚的包著鮮魷，熱騰騰剛剛炸起再兜個風沙椒鹽送上，果有鑊氣，十分之有壓迫感！
魷魚新鮮度好高，吃得出鮮味，質地較軟不爽脆。炸得金黃香口，調味略重，索索喼汁同吃，中規中矩，食得過。
椒絲腐乳炒通菜，我最愛的水通啊！靚靚翠綠色，大大碌爽嫩甜美又充滿水份，菜甜味突出，跟辣椒腐乳合體如虎添翼，大注大注塞入口，咬到索索聲，菜汁四射夠暢快！
元朗打冷都幾貴喎，除便食食都 $680 啊！專登帶埋隻狗遠征元朗行行逛逛，誰知多年無視察民情，依家成條街都無露天座位！
兜左幾個圈見到某些食肆門口有一兩張檯，但都坐滿食客同狗狗喇。最後走到新福星等巷仔位，侍應阿姐阿嬸們冷淡對待，比張號碼紙我就話企係度等得架喇，唔洗落簿。
等下五分鐘、十分鐘、十五分鐘，一檯一檯坐低都未到我，火都黎！問姐嬸們又懶理，最後問到鬍鬚老闆，立即安排室內坐位嘆冷氣，連狗隻都有位坐唔洗入袋，喜出望外。熱情友善鬍鬚老闆好 warm，讚！服務 4 粒星全歸老闆功勞！
滷水鵝片配大豆芽底
34 views
0 likes
0 comments
熱大眼雞
23 views
0 likes
0 comments
蒜蓉粉絲蟶子皇
40 views
0 likes
0 comments
椒鹽鮮魷
35 views
0 likes
0 comments
椒絲腐乳炒通菜
28 views
0 likes
0 comments
Post
