Potluck Eatery

🌟估吾到車來人往的柯士甸道有間小清新悠閑風西餐廳。門口的露天座位舒適寫意，室內裝修以木系為主，簡約大方。🥢晚餐menu 有兩款二人餐選擇，另外有happy hour 啤酒餐。main menu 都可以加$40升級套餐，有餐湯餐包甜品同飲品，性價比幾高。🦞手搖秘制醬汁海鮮拚盤二人餐🥖忌廉南瓜湯配蒜蓉包濃郁的南瓜味，蒜蓉包即時焗起，又香又脆😋🥗煙三文魚意大利黑醋沙律賣相好靚，出手大方，煙三文魚份量足👍🏻沙律幾新鮮，配左我最愛的黑醋汁😋🦞海鮮拚盤全隻龍蝦！仲有大蝦，炭燒八爪魚，青口同大蜆。全部海鮮真係好新鮮，龍蝦啖啖肉，好鮮味彈牙😍八爪魚都好出色，超級爽口👍🏻另外值得一贊係個秘制醬汁，應該係辣蕃茄忌廉汁，微辣，有蕃茄的清新同忌廉的creamy，配海鮮一流🤤拚盤仲有玉米同薯仔，入晒味超滋味👍🏻吾使驚吾飽。🍨甜品可以揀藍莓cheesecake 或者雪糕🍾餐飲可以揀紅白酒，靚景配美食當然要chill 一chill 🥂🌟總括嚟講，餐廳環境一流，有氣氛，係生日慶祝好地方。