Video
Read full review
2024-04-02
36 views
今日下午難得放假，約咗媽咪去食lunch，揀咗嚟到Fashion Walk, 感覺chill 啲，帶媽咪食佢想試好耐嘅呢間德國菜。餐廳1以木製傢俬為主，裝修好有東歐風情，有室外位置亦有室內座位。匈牙利牛肉濃湯$98首先飲個熱湯，呢個湯有別於平時西餐廳飲嘅羅宋湯，雖然同樣是蕃茄湯，但是味道濃厚得多，蕃茄味香濃加上薯仔粒同埋好腍嘅牛肉，個湯應該係煲咗好耐，先有咁好嘅效果。辣豬牛肉腸配酸椰菜$150食德國菜點少得食德國腸，我哋今日就揀咗呢款豬肉同牛肉製成嘅香腸。呢款香腸好惹味，帶少少香辛味。香腸肉質紮實，有彈性，加咗牛肉去做嘅腸，零舍香同有肉味，好咸香。食香腸時配埋酸椰菜絲一齊食，好解油膩。配菜仲有啲燉薯仔，好味。德式芝士麵糰配辣肉腸豬牛肉丸$180呢個主菜賣相好正，打卡一流，而且仲非常香噴噴，芝士味香濃，一望就知道非常邪惡。呢個德國色麵糰應該係手製，口感煙韌，每一粒麵糰都充滿咗芝士嘅甘香鹹香，仲有d拉絲，加上有啲煙肉，超香。另外，豬牛肉丸都係主角，煎得金黃微焦，肉丸有彈性，肉味香濃，裏面仲有d松子仁。唔好睇佢細細一鍋，都好飽肚。Che Guava$80呢杯cocktail 係媽咪揀嘅，佢話
匈牙利牛肉濃湯$98
首先飲個熱湯，呢個湯有別於平時西餐廳飲嘅羅宋湯，雖然同樣是蕃茄湯，但是味道濃厚得多，蕃茄味香濃加上薯仔粒同埋好腍嘅牛肉，個湯應該係煲咗好耐，先有咁好嘅效果。
辣豬牛肉腸配酸椰菜$150
食德國菜點少得食德國腸，我哋今日就揀咗呢款豬肉同牛肉製成嘅香腸。呢款香腸好惹味，帶少少香辛味。香腸肉質紮實，有彈性，加咗牛肉去做嘅腸，零舍香同有肉味，好咸香。食香腸時配埋酸椰菜絲一齊食，好解油膩。配菜仲有啲燉薯仔，好味。
德式芝士麵糰配辣肉腸豬牛肉丸$180
呢個主菜賣相好正，打卡一流，而且仲非常香噴噴，芝士味香濃，一望就知道非常邪惡。呢個德國色麵糰應該係手製，口感煙韌，每一粒麵糰都充滿咗芝士嘅甘香鹹香，仲有d拉絲，加上有啲煙肉，超香。另外，豬牛肉丸都係主角，煎得金黃微焦，肉丸有彈性，肉味香濃，裏面仲有d松子仁。唔好睇佢細細一鍋，都好飽肚。
Che Guava$80
呢杯cocktail 係媽咪揀嘅，佢話石榴味好出，佢大讚好鍾意。
Peach punch $70
我呢杯Mocktail, 冇酒精，甜甜酸酸，好香桃味同橙香，少少氣，飲落好舒服。
Post
