忠記咖啡屋‧私房菜 (Closed)

鬧市中有着形形式式既食店，常聽到既有日本菜，越南菜，泰國菜甚至fusion菜。可是，其實有一種菜都是非常美味的，而且富有人情味，就是樓上既私房菜。今次我同好友就去左銅鑼灣既忠記咖啡屋·私房菜。我同友人去到覺得地方非常寬敞舒服。再睇睇佢menu，發覺佢有唔同種類既食物如海鮮，海南雞，餐前小食同埋精美小菜等等。我地樣樣都想試少少，所以就叫左一個二人套餐 (HKD 308)個二人套餐非常豐富，私火靚湯就係霸王花粗露荀豬肉湯，而餐前小食就有陳年花雕醉鴨舌和稻庭烏冬北海道帶子。個主食可以選兩款，我地就要左野菌芥末安格斯牛柳粒和乾隆八寶生菜包。個套餐仲附有生炒臘味糯米飯同埋精美甜點(芝麻湯丸)。個私火靚湯火喉非常好，味道清甜，又唔油膩，而且用料十足。個鴨舌係凍食，好多同好大條，有杞子伴碟，而且有好重花雕酒味。個稻庭烏冬非常嫩滑，有青瓜同蟹柳絲，仲有蟹籽添。 隻帶子非常厚身，好好肉地。呢款小食仲有胡麻醬加左啲wasabi，口感非常特別。小食同靚湯都咁好味，主食點會失禮呢。個安格斯牛柳賣相唔錯，肉質非常稔一啲都唔韌，而且個醬汁非常惹味。 野菌，洋蔥同青椒都好入味，整體黎講非常唔錯。至於個八寶生菜包，有