一汁一菜 (朗豪坊) (Closed)

套餐：湯+一品料理+日本米飯 ➰ $69湯：🌽北海道產甜粟雞肉豆乳濃湯 嚟自北海道嘅粟米🌽零舍甜，雞肉嫩滑又唔韌，豆乳好香濃，另外仲有西蘭花同紅蘿蔔，成碗湯好味又有營養。一品料理：🍅番茄菠菜芝士雞肉卷個蕃茄汁好夠味，好開胃，攞嚟撈飯食真係一流；雞肉卷住啲芝士同波菜，一個小小嘅卷就已經有齊蛋白質、鈣質同鐵質，又好味。〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️套餐：湯+一品料理+沙律菜 ➰ $79湯：🦞法式龍蝦濃湯湯裏面有粒粒龍蝦肉，真材實料，所以成碗湯無論聞落定食落好有龍蝦味。一品料理：🐖油揚豆腐黑豚薑汁燒黑豚肉質嫩，而且切得薄薄地，所以容易入口，唔會食落覺得啖啖脂肪；油揚吸晒薑汁，好入味，同飯好夾。〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️總結，餐廳裝修用木做主題，環境舒服；職員服務態度良好，介紹我哋食咩，又有禮貌。套餐唔鍾意食飯可以轉包或者沙律菜，湯唔重味精唔重鹽，成餐飯好健康。〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️🍽️ 一汁一菜（朗豪坊）🗺️ 旺角亞皆老街8號朗豪坊B2層26-27號舖