THE PONT

Open Now

Now Closed

位於朗豪坊走田園風格嘅餐廳，鬧市中帶點小清新，到處都係打卡點。✨龍蝦汁大蝦蜆意大利粉大蝦肉質鮮嫩彈牙，蜆肉份量都多，無沙。意大利粉煙韌度適中，龍蝦汁嘅鮮味令整件事更美味。✨香烤美國肉眼扒 10安士，肉眼扒好厚身，烤紋好靚。肉味濃郁，咬落都幾多汁。配菜有秋青瓜蕃茄等。✨馬蘇拉里芝士條外層酥脆，內裡係熱辣辣香濃馬蘇拉里芝士，芝士迷必試。✨意大利芝士牛角窩夫配雪糕面層係香滑tiramisu忌廉，下層係鬆酥牛角包，再加上雪糕，冷熱交融，果然係店長推介。✨The Pont田園蛋糕賣相好得意有心思，係一個盆栽。裏面係Tiramisu，加上麵包粒同果仁，口感豐富。