藤 (Closed)

Omakase喺香港唔難揾，但係亦都唔平，閒閒地都過千，想試但又財政緊絀嘅我真係唔捨得。見到呢間壽司出左親民價omakase，就即刻想試。餐廳唔算好大，大約有10-20個位，每個位都可以見到師傅整壽司，坐得都舒服。呢到嘅omakase係一次過上嘅，上嘅時候廚師會介紹同建議食嘅順序，食嘅時候記住啦。————————————————🍣 藤&Teng, $328（4/5）個set 包湯、壽司、煮物同甜品。湯係豆乳野菜湯，由日本豆乳、娃娃菜同洋蔥煮成，湯有豆乳嘅濃郁又有菜嘅甜味，而菜就入口即溶，簡單又好味。壽司有八件包括真鯛、甜蝦、北寄貝、金目鯛、中拖羅、池魚、日本白海膽同秋刀魚。每件壽司嘅飯都用左赤醋調味。比較印象深刻係中拖羅，無根而且有好香嘅油脂味。不過唯一挑剔嘅地方係海膽有少少苦味。煮物為軟煮八爪魚，八爪魚有口感得嚟又唔韌，而且入晒甜醬汁嘅味道。最後嚟到甜品嘅水玄信餅同紅豆最中。水玄信餅加左黑蜜調味，味道稍甜。而紅豆最中嘅餅殼欠缺香脆嘅口感，甜味亦蓋過紅豆嘅味道，有啲失望。————————————————🛎 如果鐘意我個post，希望你可以follow我個IG @whattoeat.hk