Hands-On Coffee (Closed)

唔講唔知原來旺角中國移動上面係有餐廳 仲要係一間幾精緻嘅Cafe午市套餐價錢相當經濟 店員服務態度好好 呢個肉丸法包就係其中一個午市套餐 男仔就未必夠食 肉丸其實本身OK嘅 但係個番茄汁太酸 有少少影響咗個味道 法包熱辣辣非常新鮮我哋嗌左另一個套餐肉丸闊條麵呢個肉丸嘅味道冇咗番茄汁就更加突出 好味好多 好可惜個闊條麵嘅味又比較淡 同埋質地似係蛋麵 或者自家製嘅麵條 唔係一般意粉嗰啲比較彈牙嘅質地 相反散叫嘅蜜餞鴨胸 非常好食 鴨胸煎得啱啱好 皮有少少脆 甜度適中 店員仲好貼心咁問使唔使切埋 非常加分 至於咖啡 我飲嘅係 americano 味道帶甘 幾好味 係一個旺角飲咖啡嘅好選擇😍