CJ Cafe (Closed)

估唔到位於馬鞍山泳池隔離竟然有間咁靚既餐廳自成一角，而且價錢好平民化，連晚餐都唔需要加一，餐廳內樓底好高，好寬敞，繁囂中帶點隱世既感覺。平時生活節奏咁急促，係度可以好好享受一下身於鬧市中既一刻寧靜。先黎客《雜菜餐湯》，紅卜卜，微微辣同埋好濃蕃茄味，刺激下味蕾先！唔錯！《炭燒美國牛仔骨配香草醬蜆肉天使麵 98》好難得menu有牛仔骨可以選擇，而且夠晒份量，有2大片牛仔骨，肉質軟綿，入口好香炭燒特有香味，完全唔會只係鑊度煎熟既味道在配埋個蜆肉磨菇天使麵，雖然初初睇落啲天使麵有啲乾，但食落原來啲汁比麵吸引左，好夾好好食《水牛城烤雞翼配雜菜沙律》有啲驚喜呀，紅卜卜既汁酸酸地，又甜甜地，帶啲啲辣，雞翼岩岩好吸收埋啲汁既味道，不過真係要襯熱食呀！ 《藍碟白桃水間水》 （跟餐都係加6蚊咋！）呢排潮流興藍蝶系既飲品，顏色靚好吸引當你拌勻之後會變色架~好得意，有啲益力多味可惜我唔記得叫小甜，如果唔係會更好飲~！