Video
Read full review
2023-12-03
72 views
依家食唔到咁多野都少左食放題，不過依間之前係佐敦店食過覺得唔錯，所以今次黎銅鑼灣店試下。晚市有6款套餐選擇，分別有唔同級數既肉類同海鮮選擇，再配自助沙律、飲品同甜品吧。Course C $368 (一至四）總共有97款食物選擇，包括黑毛和牛2款、澳洲M9薄炙盛合、精選海鮮、豚、牛、雞等。 黑毛和牛牛肋肉/里脊肉前者呈粉紅色，油花豐富，輕輕一燒，入口即溶，牛脂味香濃。里脊肉油花相對較少，牛肉味較濃。澳洲M9薄炙盛合手掌咁大塊，牛味香濃，點埋壽喜燒蛋汁，更加嫩滑。特選（US）-牛肋肉/牛里脊肉/薄炙牛里脊/牛肉角切C 餐可以任選特選牛肉，牛肋肉口感嫩，油脂豐富，牛里脊肉呈大理石紋油花，入口同樣細嫩多汁，牛仔粒燒得比較耐，口感外脆內軟。兩色蔥花牛舌（鹽味）牛舌芯軟嫩，口感爽彈有嚼勁，配埋蔥花同蒜蓉，好惹味！雞腿肉/雞胸肉雞腿肉嫩滑有彈性，雞胸肉相對無咁嫩，但無咁肥，可以揀燒肉醬或香草醬，香草醬味道較濃郁。日本豚肋肉/豚里脊肉/豚頸肉豚肋肉油脂豐富，烤後皮脆肉嫩，夾埋生菜泡菜一齊食，無咁油膩。里脊肉瘦肉比例較多，肉質嫩，豚頸肉爽彈。海鮮有蝦、魷魚、青口，蝦新鮮大隻，肉質爽口彈牙，青口同魷魚相對
晚市有6款套餐選擇，分別有唔同級數既肉類同海鮮選擇，再配自助沙律、飲品同甜品吧。
Course C $368 (一至四）
總共有97款食物選擇，包括黑毛和牛2款、澳洲M9薄炙盛合、精選海鮮、豚、牛、雞等。
黑毛和牛牛肋肉/里脊肉
前者呈粉紅色，油花豐富，輕輕一燒，入口即溶，牛脂味香濃。里脊肉油花相對較少，牛肉味較濃。
澳洲M9薄炙盛合
手掌咁大塊，牛味香濃，點埋壽喜燒蛋汁，更加嫩滑。
特選（US）-牛肋肉/牛里脊肉/薄炙牛里脊/牛肉角切
C 餐可以任選特選牛肉，牛肋肉口感嫩，油脂豐富，牛里脊肉呈大理石紋油花，入口同樣細嫩多汁，牛仔粒燒得比較耐，口感外脆內軟。
兩色蔥花牛舌（鹽味）
牛舌芯軟嫩，口感爽彈有嚼勁，配埋蔥花同蒜蓉，好惹味！
雞腿肉/雞胸肉
雞腿肉嫩滑有彈性，雞胸肉相對無咁嫩，但無咁肥，可以揀燒肉醬或香草醬，香草醬味道較濃郁。
日本豚肋肉/豚里脊肉/豚頸肉
豚肋肉油脂豐富，烤後皮脆肉嫩，夾埋生菜泡菜一齊食，無咁油膩。里脊肉瘦肉比例較多，肉質嫩，豚頸肉爽彈。
海鮮有蝦、魷魚、青口，蝦新鮮大隻，肉質爽口彈牙，青口同魷魚相對較細隻。
除左燒肉，仲有熟食可以揀，明太子薯仔沙律、炸雜菜魚餅、韓式冷麵，明太子沙律口感豐富，醬內有洋蔥同明太子粒 ，幾好味。魚餅即炸，入口彈牙帶甜，冷麵口感似蒟蒻麵。
甜品
自助吧有雪條櫃，全部都係明治品牌，仲有角十棒，味道甜甜酸酸，最岩食完燒肉，解一解油膩感。
Post
