Video
Read full review
2018-10-12
231 views
同男朋友心血來潮想食越南牛肉粉，搵到呢間小店，鋪頭面積唔算大，裝修簡約，座位亦闊落舒服。食物方面，由於我地唔多肚餓，兩個人只叫左一碗「特別牛肉粉」（$98）同兩款小食Share（各約$40），份量剛剛好！牛肉粉既配料有生熟牛肉、牛丸及比較少見的牛栢葉，牛肉嫩滑、厚薄適中，放於清甜湯底中亦唔會過熟，牛栢業切得幼細爽口，沒有異味。至於牛丸，牛味夠濃，而且亦好彈牙，如果不是對半切會更好！河粉的粉量好足，即使男士食亦都唔會唔夠飽。芽菜、香葉同青檸會另上，份量都比坊間多。而小食方面，雞翼是單骨雞翼，一碟有8件，適合同朋友開心Share，但味道比較普通。反而春卷就非常驚喜，炸得非常香口同乾身，配上冰凍生菜食唔會覺得油膩，一上台就秒速清碟了！最值得一讚既係，兩樣小食都係即點即炸，全部都係熱騰騰，你知啦，炸野熱食先好味！最後介紹下杯飲品牛油果沙冰，牛油果味好濃，唔會太甜亦唔會只有冰沒有料，只係$38，性價比高！誤打誤撞試到間唔錯既小店，都好想推介比大家😊
牛肉粉既配料有生熟牛肉、牛丸及比較少見的牛栢葉，牛肉嫩滑、厚薄適中，放於清甜湯底中亦唔會過熟，牛栢業切得幼細爽口，沒有異味。至於牛丸，牛味夠濃，而且亦好彈牙，如果不是對半切會更好！河粉的粉量好足，即使男士食亦都唔會唔夠飽。芽菜、香葉同青檸會另上，份量都比坊間多。
特別牛肉粉
$98
36 views
0 likes
0 comments
而小食方面，雞翼是單骨雞翼，一碟有8件，適合同朋友開心Share，但味道比較普通。反而春卷就非常驚喜，炸得非常香口同乾身，配上冰凍生菜食唔會覺得油膩，一上台就秒速清碟了！最值得一讚既係，兩樣小食都係即點即炸，全部都係熱騰騰，你知啦，炸野熱食先好味！
單骨雞翼
$40
32 views
0 likes
0 comments
炸春卷
$40
16 views
0 likes
0 comments
最後介紹下杯飲品牛油果沙冰，牛油果味好濃，唔會太甜亦唔會只有冰沒有料，只係$38，性價比高！
牛油果沙冰
$38
20 views
0 likes
0 comments
誤打誤撞試到間唔錯既小店，都好想推介比大家😊
Post
