Bellevue Bar and Grill (Closed)

要食浪漫既晚餐，係旺角鬧市都做得到，有埋燭光添呀，呢間餐廳係旺角一座大廈既高層，雖然唔係對海景，係望住旺角既鬧市，人來人往，都幾有香港特色。食物方面，有烤T骨牛扒（16oz) ，塊扒份量好足，但唔會烤得乾身，叫左5成熟啱啱好，2個人食份量適中。好欣賞佢地嘅配菜，今次叫左芝士菠菜、芝士椰菜花、芝士焗薯，仲有好多唔同選擇嘅配菜，睇得出佢地嘅用心，雖然係配菜，但一d都唔失禮。另外再食左烤香草帶子伴蟹肉甜粟意大利飯，當做完食肉獸，有個creamy既飯平衡下，雖然個飯creamy，但唔會太滯。咁既環境服務同食物質素，價錢係貴d，不過值得既。