德國熱狗 (Closed)

Joy Joy子一直好想試呢間，宜度已經係第三間分店。放工行去食，地方幾隱閉，店舖不大，不過勝在環境舒服，設計幾靚，一嚟到打個卡先   第一次嚟德國熱狗，當然要試吓佢d熱狗，選擇幾多，最後點了肉醬熱狗配細薯條($36)，加西柚汽水 ($4) 可能係小店關係，去個時只有一個staff，之後食到一半就多咗幾個。唔知係咪個staff太緊張，問我要咩醬，我話bbq同芥辣，上餐個時隻狗係冇加醬，個時就覺得有d奇怪，咁我咪自己加番。開始食個陣，個staff先醒起，同我講佢唔記得咗！賣相我覺得一般，冇咩驚喜，肉醬唔夠juicy但夠熱，食個時小心燙。我幾鍾意佢個芥辣，幾濃！薯條幾多，唔會太鹹，唔加茄汁都好食。