Beanswork (Closed)

聖誕前排要去銅鑼灣買嘢，行到攰，去咗一間靜靜地既餐廳食晚飯。餐廳環境佈置舒適，樓底高，及擺滿密密麻麻既座位。我哋叫咗煙燻挪威三文魚沙律、龍蝦汁波士頓龍蝦闊條麵、慢煮乳豬、酥炸魷魚配薯條同兩杯茶。煙燻挪威三文魚沙律：三文魚新鮮多肉，沙律菜尚算多，但略嫌黑醋汁較甜。龍蝦汁波士頓龍蝦闊條麵：龍蝦較細少，肉質爽口。闊條麵煙韌，有淡淡既龍蝦汁味道。慢煮乳豬：乳豬上枱時聞到烤焦味。砌了一片，感到好脆。食了一口，乳豬肉皮肥厚，乳豬肉很嫩口，肉厚，另配脆口嘅薯條。酥炸魷魚配薯條：由於我哋地唔知道慢煮乳豬係會配薯條，所以又叫咗魷魚配薯條。魷魚配薯條既比例係1對3，魷魚炸粉覺厚身，薯條香口，配上芥末沙律醬覺得有點膩，個人喜歡用茄汁多點。