Plato (Moved) New Location

之前行過已經想食嘅西餐廳，今日行完中南就決定去食。除左dinner set之外，仲有二人套餐，都好多選擇，總會揀到一款岩你心水。我地就揀左個二人套餐。<南瓜忌廉湯>個湯唔算太濃南瓜味，唔好南瓜既我都覺得不錯。<意式巴馬火腿配蜜瓜>蜜瓜略嫌唔夠甜，巴馬火腿不過不失喇。<香蒜白酒煮藍青口>藍青口都幾新鮮，不過略嫌鹹咗少少。<美國安格斯西冷牛扒•紅酒燒汁>牛扒好嫩滑，唔算多根，都好香牛肉味，不過都係偏鹹左少少。值得一讚既係啲薯仔，炸過之後外脆內軟。<黑松露野菌煙三文魚意大利飯>呢個意大利飯好食，有好香嘅黑松露味，個飯唔會太硬。每一粒飯都沾上黑松露忌廉汁，但又唔會太濕。<熱朱古力，熱芒果草莓茶>朱古力普通，反而杯芒果草莓茶比較特別，酸酸地，飲完會無咁膩。<提拉米蘇>咖啡味濃郁，配上香滑既cream，另有一番驚喜。<美式芝士蛋糕>芝士蛋糕芝士味濃郁，但又唔算太膩，可以食得哂。