潮洲滷 (Closed)

今日經開灣仔，差唔多走嘅時候。收到電話叫我加餸，誤打誤撞嘅情況之下，見到呢間潮州滷。見到佢啲滷味好似好吸引咁，而且亦都有好多人喺度幫襯。於是決定喺度斬料加送拎返屋企。分別叫咗滷水豬手，滷水豬耳，滷水雞翼同埋紅腸。先講佢啲滷水汁。唔會話太鹹，而且好入味。我自己就最鍾意個豬耳，豬耳非常之爽口，而且份量都好大。喺門口等嘅期間，見到呢間舖頭原來係由家族經營，我當日所見到嘅就係媽媽同大仔，兩個人都勁熱情咁招呼我哋。所以無論喺食物方面，定還是服務方面。呢間食店都會得到好高嘅分數。值得大家嚟試吓。