五季禪食 (健康工房) (Closed)

鬧市中的五季禪食五季禪食位於太子花墟附近。一入門口見到大量健康工房的產品，所以推斷五季禪食係該集團的中高檔健康素食店舖。裝橫採用大量竹木材，樓梯高，仲有室外露天空間，有大量打卡位，不過有告示話不准攝影，不明所以。店舖嘗試營造寧靜禪修環境，但身處太子繁華地段，加上附近街坊來來往往，寧靜就變成奢侈。入口處已擺放流動冷氣機，但冷氣依然略嫌不足，少少悶熱。落單後等待期間，見到人流不斷，都係入內買樽裝飲品或甜品居多。店員非常之忙碌地向顧客解釋不同飲品甜品套票的分別，又忙收錢，又忙送餐，又忙翻熱飲品，見到都覺得佢哋頻撲。餐牌食品不算多。簡單的麵食，蒸包／粽，煎餃，糖水，湯品等。糖水湯品估計係工場運過來店舖翻熱的，非現場製作。五穀粽size比一般咸肉粽細，但不夠熱，好怕食物不夠熱。春卷及素菇面都正常。