小桃咖啡室 (Closed)

銅鑼灣時代廣場，係一個香港出名熱鬧的地方，而估唔到有一間Cafe雖然身處其中，但卻可以用寧靜放鬆來形容，用第三身角度去觀望呢個鬧市，小桃咖啡室。Bar枱可以望到整個時代廣場，一邊飲野一邊望街景，非常舒適，而店內亦有精緻擺設，能令都市人心情從煩囂城市中抽離。睇過餐牌後揀左2日套餐首先來既係法國酥皮焗田螺配凱撒沙律，撲鼻既焗酥皮味令食欲大增，牛油加上芝士，配上口螺煙韌口感，一流！而沙律菜非常爽脆，再加上芝士碎同麵包碎，作為前菜沙律非常好！忌廉磨菇湯配蒜蓉包，蒜蓉包係個人最中意既餐包，雖然蒜味唔算特別濃，但包身非常脆口，亦都唔錯。而忌廉湯內有香草、磨菇、粟米，口感層次多，味道唔算太濃。香煎法國鵝肝伴蕃茄莎莎，個人認為係全晚第二優秀既菜式，鵝肝表面微脆，內部細滑，配上茄粒、黑醋、檸檬汁，令鵝肝食落唔會有膩口感覺，好味！全晚最好的蕃茄煙三文魚Pizza，薄薄餅底，再加上粟米同蕃茄，味道帶淡淡清甜，然而煙三文魚味道卻非常濃郁，變相整體能夠突出到三文魚味道，相當唔錯！卡邦尼煙肉意粉，一般比人感覺會係好膩口感覺，但今次呢個唔算好濃郁，而意粉質地又剛剛好，作為最後一道菜係幾好選擇。Oreo女神這杯「奧利