Video
Read full review
2018-05-02
53 views
今次同媽媽嚟試下呢間西餐，之前其實已經想食好耐架啦，見今次行開呢頭就順便食埋！8點幾嚟到唔使等位，餐廳亦唔算多人，睇完餐牌覺得2人餐唔係好啱食，所以都係決定叫普通dinner set，叫咗：德國脆皮鹹豬手配龍蝦湯，另外仲有個黑松露牛柳粒意大利飯，加錢要埋凱撒沙律同牛角包，餐飲就係檸檬生薑茶同英式奶茶。首先係餐湯，媽媽叫嘅龍蝦湯最怕唔夠熱會腥，呢度就唔會啦，夠晒熱，而且都會有2－3粒龍蝦肉，仲有一碗係薯仔蓉湯，我就覺得幾好飲，唔會話得個鹹字，我食到有少少薯仔蓉嘅質感添！牛角包幾高質，好香牛油味，我媽媽驚太肥所以俾埋佢果份我。凱撒沙律，跟餐來講算大碗，2個人食好夠，大碗啲都驚食唔晒！到咗主菜部份，黑松露牛柳粒意大利飯先來，聞到微微嘅黑松露味，個汁調得唔錯，不過個人認為配牛柳粒就唔係好match，牛柳粒太淋。反而面頭嘅芝士片幾咸香。至於德國脆皮鹹豬手，好大份呀！一嚟到已經覺得食唔晒，旁邊亦跟咗啲沙律菜同薯仔。豬手皮好脆，肉質幾嫩，啖啖肉，可以配上芥末醬或蒜蓉汁會更惹味。我自己就鍾意食佢嘅沙律菜，可以消除咗食咁多肉嘅飽肚感。不過真係太大份，我哋2個人都食唔晒咁多嘢！飲品方面，英式奶茶原來只係茶
8點幾嚟到唔使等位，餐廳亦唔算多人，睇完餐牌覺得2人餐唔係好啱食，所以都係決定叫普通dinner set，叫咗：德國脆皮鹹豬手配龍蝦湯，另外仲有個黑松露牛柳粒意大利飯，加錢要埋凱撒沙律同牛角包，餐飲就係檸檬生薑茶同英式奶茶。
首先係餐湯，媽媽叫嘅龍蝦湯最怕唔夠熱會腥，呢度就唔會啦，夠晒熱，而且都會有2－3粒龍蝦肉，仲有一碗係薯仔蓉湯，我就覺得幾好飲，唔會話得個鹹字，我食到有少少薯仔蓉嘅質感添！
牛角包幾高質，好香牛油味，我媽媽驚太肥所以俾埋佢果份我。
凱撒沙律，跟餐來講算大碗，2個人食好夠，大碗啲都驚食唔晒！
到咗主菜部份，黑松露牛柳粒意大利飯先來，聞到微微嘅黑松露味，個汁調得唔錯，不過個人認為配牛柳粒就唔係好match，牛柳粒太淋。反而面頭嘅芝士片幾咸香。
至於德國脆皮鹹豬手，好大份呀！一嚟到已經覺得食唔晒，旁邊亦跟咗啲沙律菜同薯仔。豬手皮好脆，肉質幾嫩，啖啖肉，可以配上芥末醬或蒜蓉汁會更惹味。我自己就鍾意食佢嘅沙律菜，可以消除咗食咁多肉嘅飽肚感。不過真係太大份，我哋2個人都食唔晒咁多嘢！
飲品方面，英式奶茶原來只係茶包再加啲奶咁，無我想像中嘅感覺，反而我媽媽嘅檸檬生薑就唔錯，雖然都係茶包，不過加咗幾片檸檬都幾香同可以消滯。
整體黎講，食物份量大，性價比高，侍應服務周到。不過飲品方面可以加以改善，另外燈光方面亦可稍為改進，有些位置會太暗，有些又會被白光射到，建議用黃光可以柔和點。
Post
