Video
Read full review
2018-02-15
156 views
今日和老公預祝情人節，老公知道我好怕嘈，亦都知道我想試吓特色嘅菜式，所以佢就揾到呢度喇！呢度原本下午1:30開，但老闆娘特別為我哋12:00開，真係多謝佢！上到嚟，我哋以為自己揾錯地方，因為個門面唔係好起眼。一入到嚟，地方唔大，得幾張枱，但好舒服，有種上咗人哋屋企探訪嘅感覺！我好鍾意牆上面啲勉勵嘅說話，仲有可愛又熱情好客嘅貓貓們，同埋有好多小朋友書(有兩個小朋友嘅我對呢啲特別敏感)。我哋叫咗烤雞飯，羊肉烤餅，芝士餃子，一杯土耳其咖啡和一杯榛子咖啡。食物一嚟，我只能說: 實在太好味!!! 啲香料加埋原本食材係勁夾嘅！羊肉烤餅入面有啲生洋蔥，本身我係唔食生洋蔥嘅，但我好快意識到生洋蔥喺羊肉烤餅入面嘅重要性，因為佢可以中和羊肉同香料帶嚟嘅濃郁味道。餃子係佢哋自己包嘅，細細粒好香脆。至於咖啡，原來係特別炮製嘅，仲有個好特別嘅杯裝住，還附送一粒土耳其糖果。好快我就飲晒啲咖啡，老闆勁好人送多杯，多謝你(不過佢應該唔識睇中文)！食飽飽就同貓貓玩，佢哋真係好可愛❤走嗰陣我讚老公揀得好，佢勁開心我諗住下次嚟試吓晚餐，唔知係咪一樣咁正呢？
呢度原本下午1:30開，但老闆娘特別為我哋12:00開，真係多謝佢！
上到嚟，我哋以為自己揾錯地方，因為個門面唔係好起眼。一入到嚟，地方唔大，得幾張枱，但好舒服，有種上咗人哋屋企探訪嘅感覺！我好鍾意牆上面啲勉勵嘅說話，仲有可愛又熱情好客嘅貓貓們，同埋有好多小朋友書(有兩個小朋友嘅我對呢啲特別敏感)。
我哋叫咗烤雞飯，羊肉烤餅，芝士餃子，一杯土耳其咖啡和一杯榛子咖啡。
食物一嚟，我只能說: 實在太好味!!! 啲香料加埋原本食材係勁夾嘅！羊肉烤餅入面有啲生洋蔥，本身我係唔食生洋蔥嘅，但我好快意識到生洋蔥喺羊肉烤餅入面嘅重要性，因為佢可以中和羊肉同香料帶嚟嘅濃郁味道。餃子係佢哋自己包嘅，細細粒好香脆。
至於咖啡，原來係特別炮製嘅，仲有個好特別嘅杯裝住，還附送一粒土耳其糖果。好快我就飲晒啲咖啡，老闆勁好人送多杯，多謝你(不過佢應該唔識睇中文)！
食飽飽就同貓貓玩，佢哋真係好可愛❤
走嗰陣我讚老公揀得好，佢勁開心
我諗住下次嚟試吓晚餐，唔知係咪一樣咁正呢？
Post
