M2 Cafe (Closed)

在人來人往的銅鑼灣要搵個舒適寧靜嘅地方品嚐美食係一件唔容易嘅事，今日竟然俾我偶爾搵到但大前提係要行樓梯上三樓，為咗食乜都制一入到門口，感覺空間寬闊，內有舒適嘅梳化位，而露台有照顧吸煙人士嘅吸煙位。睇完一輪餐牌，點咗香辣鮮蝦茄汁意粉及黑松露忌廉汁什菌意大利飯套餐。首先嚟個凱撒及柚子田園雜菜沙律，凱撒醬較一般嘅酸，感覺開胃；而柚子醬太甜，感覺不太合適。意大利飯好香口，飯粒嘅口感恰到好處，飯粒做到外軟內硬，每啖飯都充滿黑松露及什菌嘅香意粉麵質口感一流，蝦夠彈牙，可惜太香辣，蓋過晒茄汁嘅味道不過總括都好好食飯後向侍應點咖啡嘅同時要求要兩杯水清除一下口腔內嘅餘香，準備一下嘆咖啡，侍應竟細心為點凍咖啡嘅客人安排凍水，熱咖啡嘅則安排暖水，實在意想不到嚟到咖啡店嘅主菜 ~ 咖啡，凍榛子咖啡嘅榛子味同咖啡味互相輝映，加上香滑嘅奶味，不錯嘅選擇；熱薰衣草咖啡賣相一流，不過可惜過甜及花香味過濃而變得苦澀總括來說，以這價錢喺這區食到這般美食及享受這優質嘅服務，實在物超所值