Big John (Closed)

喺尖沙咀呢個地段附近，澳門茶餐廳，池記，翠華，蘭芳園經常都係國內同胞打卡嘅地方，要避免大排長龍，Big John可能係其中一個選擇⋯⋯呢度地方細細，但係食物種類非常多。除了招牌嘅格仔餅同炸豬扒，以前早餐都會點粥，平時就點什扒飯，都係貪佢夠大份，大食嘅我一定夠。另外手撕雞好開胃，佢配個酸辣醬同酸青瓜一流。沙葛魚蓉雲吞都唔錯。我嘅至愛就係炸醬辣肉撈烏冬，好啱我口味，不過要星期六至有，而且遲去都好快賣晒！今次試嘅泰式肉碎撈面就明顯差一截，肉碎太多，而且太乾身，冇咁惹味！炸豬扒就保持水準，仲有檸樂煲姜，真係冇乜餐廳有，總是滿足的一餐！