Video
Read full review
2017-11-19
64 views
在旺角揾野食不難，要揾好野食而且環境寧靜坐得耐的就有點難，星期日下午三點的旺角，沒一個地方是静的，正好下午茶時間，一行四人為了等傍晚睇戲，找到金雞廣場19樓這個鬧市中的隱世cafe歇腳。一出電梯19樓就見到To-Gather Cafe, 估不到內裡環境咁寬敞，卡位超闊落，坐8個人都得，梳化也很舒適，行街行得累來坐最好；有個角落放滿了board game可以玩，成班朋友來食野歇腳，可以玩到半日啊！好驚喜！正好有下午茶餐，跟一杯$32的飲品，可以轉其他飲品補差價就得，咁要試下d特別飲品啦！榛子朱古力凍飲$37，生薑蜜熱飲$37,跟餐叫每杯補$5 差價，榛子朱古力飲左一啖，忍唔住叫出來，好好味啊！上面有奶泡，唔止賣相靚，其實係要拌勻來飲，令榛子朱古力增添奶味和幼滑口感；榛子味很香濃，與朱古力一起是永恆的拍檔，飲一啖即刻醒神！生薑蜜熱飲很清甜，夠薑味得來不會有辣的感覺，今日氣溫驟降，想驅寒暖身啱晒！豬扒蛋出前一丁麵 $51,呢個係下午茶餐，塊豬扒有半個碗咁大塊，食落肉質好爽口不會太乾，沒有用太多調味料醃製，反而令豬扒肉味更香。而出前一丁麵仲好爽口彈牙，湯用返出前一丁麻油味湯底，哈哈，絕對有茶餐
一出電梯19樓就見到To-Gather Cafe, 估不到內裡環境咁寬敞，卡位超闊落，坐8個人都得，梳化也很舒適，行街行得累來坐最好；有個角落放滿了board game可以玩，成班朋友來食野歇腳，可以玩到半日啊！好驚喜！
正好有下午茶餐，跟一杯$32的飲品，可以轉其他飲品補差價就得，咁要試下d特別飲品啦！
榛子朱古力凍飲$37，生薑蜜熱飲$37,跟餐叫每杯補$5 差價，榛子朱古力飲左一啖，忍唔住叫出來，好好味啊！上面有奶泡，唔止賣相靚，其實係要拌勻來飲，令榛子朱古力增添奶味和幼滑口感；榛子味很香濃，與朱古力一起是永恆的拍檔，飲一啖即刻醒神！
生薑蜜熱飲很清甜，夠薑味得來不會有辣的感覺，今日氣溫驟降，想驅寒暖身啱晒！
豬扒蛋出前一丁麵 $51,呢個係下午茶餐，塊豬扒有半個碗咁大塊，食落肉質好爽口不會太乾，沒有用太多調味料醃製，反而令豬扒肉味更香。而出前一丁麵仲好爽口彈牙，湯用返出前一丁麻油味湯底，哈哈，絕對有茶餐廳風味，但喺西餐風格嘅cafe 出現，感覺真係好新派 !
另一個下午茶餐吉列魚柳沙律$51,好有驚喜，因為個田園沙律好足料，有沙律菜、生菜、車厘茄、青瓜、粟米，淋上日式芝麻醬，感覺完全係西餐廳嘅沙律前菜咁！炸魚柳有三塊，炸得夠乾身，好脆，裏面魚柳唔會有一層油喺度，但係水分充足，外脆內滑，廚師工藝技術應該唔錯，沙律醬上面灑咗香草，點魚柳食，多一份清新香味，不會油膩，推介。
小食方面，先來一個泰式炭燒豬頸肉$52, 一上桌已聞到好香bbq味，見到有炭燒的微焦，味道有啲燒烤蜜糖味，甜甜地，又香又有肉汁。
點埋魚露食更加惹味，因為魚露鹹鹹地，加咗辣椒蒜蓉等調味，可以調起豬頸肉的香味，佢仲有 椰菜墊底，我用魚露撈埋椰菜當沙律菜食，真係食個碟底朝天，一點也不浪費！
鹽酥雞粒$48,好啱幾個朋友一齊share。
本來驚會唔會食得太鹹，但食左第一粒就知好味！因為炸得好鬆化，裏面雞肉唔會乾爭爭，而係好多肉汁，雞肉粒好滑，外面灑上的椒鹽唔係得個鹹字，佢應該落咗梅子粉調味，有好輕微嘅酸甜味，和淡淡的梅子香，我覺得比起士林夜市的鹽酥雞更好吃。
蒜香雞翼$52,有六隻大雞翼，炸得好靚。
上面鋪滿 炸蒜蓉，賣相吸引，一咬開，脆皮內流出熱辣辣的肉汁，辣親嘴添，雞翼肉好滑，最鍾意佢鹹淡適中，唔會似平時街邊小食，越食越咸。
食到最後，女士們都係要來個甜品結尾。點咗個 紐約芝士蛋糕，有朱古力醬伴碟，一切開，是見到的鬆化，沒有多餘的氣泡，證明芝士餅受熱很均勻，吃著每一口都是芝士和檸檬味，不會有些質感鬆有些質感硬，這是很考廚師的工藝呢！除了吃，我還很欣賞廚師的技巧啊！
埋單加一後$325,本來諗住歇腳，結果食左咁多小食，最喜歡呢度空間夠大，適合成班friend一齊嚟玩下board game 傾下計，就算得一個人嚟，都坐得好舒服好寧靜，下次嚟旺角要揾地方坐，又多一個選擇。
Post
