露營生活

Open Now

Now Closed

作為一個養狗人士，其實無時無刻都想帶埋小犬出去用餐， 在openrice卒之俾我哋搵到，仲要在銅鑼灣市區， 唔使講即刻去。餐廳有充滿露營氣息而非常舒適的室內位置， 同時亦都有一個廣闊嘅戶外平台，放了露營帳幕及餐枱供帶寵物和喜歡坐户外的人士。 每張桌子之間都鬆動， 寵物綁好繩之後都有一定走動空間，正。跟住就到食物，串燒日本豬頸肉即叫即燒， 油香十足， 調味同樣出色。蒜蓉燒日本蠔同樣即叫即燒， 蠔身雖然比較細但結實， 蠔汁在口腔爆開非常香甜， 配搭鋪滿的蒜蓉， 甘甜滿足。慢煮雞胸和風野菜沙律雞胸肉由於用上慢煮嘅方法， 完全沒有固有形象的乾口鞋身， 相反鮮嫩多汁， 配搭新鮮沙律菜， 健康清新得來都享受到美味。牛油錫箔紙鍋燒雜菇是的, 這個是需要自己燒比較簡單平凡的牛油雜菇， 但令我對餐廳留下非常好印象係因為店員見到我們忙於照顧小犬， 主動建議幫我哋燒好先上枱畀我哋享用， 人情味爆燈。 黃金炸魷魚鬚用上日式的炸漿， 配搭脆口的魷魚鬚， 爽上加爽。 蒲燒鰻魚配玉子燒 個人覺得是今晚的mvp， 估不到在香港也可以吃到彷如置身日本才可以吃到的燒鰻魚質素， 配搭蛋味濃郁的玉子， 咬完都唔捨得吞落肚！