Dazzling Cafe (皇室堡) (Closed)

一個人嘅lunch, 想靜靜地揾間靚靚cafe嘆個悠閒午餐🥣喺鬧市中嘅皇室堡入面有間Dazzling cafe 就最啱我。坐低之後，見到個靚靚Menu已經好心動，我叫咗個午市套餐A，個餐有凱撒沙律有黃金烏魚子蒜香意大利麵。個意大利麵好彈牙，蒜香可口。賣相一流！其實我最鍾意就係杯焦糖瑪奇多咖啡冰，連我平時唔飲咖啡嘅人都愛上佢！由於呢度嘅食物太吸引，我另外有試吓佢嘅台式味增湯，味增湯有蛋花同貢丸，第一次試呢一類型嘅味增湯，都幾特別😍最後，忍唔住叫埋佢哋嘅鬆餅，雖然好飽，但係都食得晒個鬆餅，證明幾咁好食！呢個lunch慢慢食，悠悠閑閑咁就過左一個下午。下次再來嘆下先🥰