Video
Read full review
2022-06-27
3497 views
假日同男友去chill下，揀咗呢間地中海菜，點咗兩個Holiday Brunch set慢慢歎。一般餐廳前菜都係揀一款，不過呢個Brunch set就揀兩個，貪心既我地梗係揀到四款不同啦。前菜 - 西班牙多士 (三文魚卷&哈羅米芝士)底層多士鬆脆，上面除了三文魚同芝士，中間仲夾有沙律菜及酸酸甜甜的黑醋醬汁，配搭得宜，好有早餐feel。第一次食哈羅米芝士，最初仲以為係實淨啲既魚，原來係一種由綿羊同山羊奶混合而成的芝士，入口完全無羶味。前菜 - 意式蕃茄薄片呢度菜係我最鍾意既西餐前菜，蕃茄夠fresh 帶甜全無酸味及青味，加上少量Mozzarella 芝士更帶出蕃茄鮮味。前菜 - 希臘沙律份量多，正正常常。前菜 - 蘑菇湯 待應即場用壼倒出，份量都幾多，菇味超濃郁。主菜 - 海鮮串燒呢個非常打卡able，串燒由上至下分別是檸檬、青椒、三文魚、茄子、吞拿魚及蝦。 無論魚同蝦都燒得啱啱好好，裏面仍然嫩滑。串燒吊著，上層的檸檬汁會自然流下除腥提鮮，同時串燒上亦塗滿了Tabasco辣汁，醒胃惹味。想再重口味啲，串燒架上有兩款汁，一款係Tabasco，而另一款就係BBQ醬。 最底放著兩塊開口麵包，串
一般餐廳前菜都係揀一款，不過呢個Brunch set就揀兩個，貪心既我地梗係揀到四款不同啦。
前菜 - 西班牙多士 (三文魚卷&哈羅米芝士)
底層多士鬆脆，上面除了三文魚同芝士，中間仲夾有沙律菜及酸酸甜甜的黑醋醬汁，配搭得宜，好有早餐feel。第一次食哈羅米芝士，最初仲以為係實淨啲既魚，原來係一種由綿羊同山羊奶混合而成的芝士，入口完全無羶味。
前菜 - 意式蕃茄薄片
呢度菜係我最鍾意既西餐前菜，蕃茄夠fresh 帶甜全無酸味及青味，加上少量Mozzarella 芝士更帶出蕃茄鮮味。
前菜 - 希臘沙律
份量多，正正常常。
前菜 - 蘑菇湯
待應即場用壼倒出，份量都幾多，菇味超濃郁。
主菜 - 海鮮串燒
呢個非常打卡able，串燒由上至下分別是檸檬、青椒、三文魚、茄子、吞拿魚及蝦。 無論魚同蝦都燒得啱啱好好，裏面仍然嫩滑。
串燒吊著，上層的檸檬汁會自然流下除腥提鮮，同時串燒上亦塗滿了Tabasco辣汁，醒胃惹味。想再重口味啲，串燒架上有兩款汁，一款係Tabasco，而另一款就係BBQ醬。 最底放著兩塊開口麵包，串燒鍾意就咁食又得，自製夾包又得。
主菜 - 烤纽西蘭西冷眼扒 紅酒汁 (+$30)
呢度既西冷唔係成塊煎，係類似自助餐切出黎個款，可能因為咁落單時無問要幾成熟。兩塊大大塊，估計大概5成至7成熟，肉味濃郁，容易切開唔靭; 仲有肉下面伴著的薯蓉和小甘筍都好高質。
甜品 - Churros
俗稱鬼佬油炸鬼的Churros, 沾滿砂糖，再係上面加了草莓醬及朱古力醬，但入口又唔覺得太甜，仲非常鬆脆，雖然食完主菜已經好飽都不經不覺入哂個胃度。
Post
