香港郵意 (Closed)

放假好想去Cafe 坐下食下野，今日同朋友就來到尖沙咀呢間以明信片為主題的香港郵意食lunch. 原來入面環境十分寛落，有差唔多全層的座位，以木為裝修，望落好有特式，環境舒適，私隱度高，牆上貼有好多香港景色的明信片，最重要係無限時任坐，好適合同朋友聊天聚會。既然來到Cafe,當然要試下特別的咖啡，呢杯係汽水咖啡，第一次飲，無甜味，但汽水令咖啡的味道更濃郁突出。百利甜酒拿鐵，有少許香甜的百利甜酒味，同咖啡味好夾，奶滑濃郁，拉花好靚，泡沫幼滑。全日早餐，款式豐富，份量多，有牛角包，德國腸，炒蛋，煙肉，沙律等，炒蛋好嫩滑，入口軟稔。白酒汁辣蒜蛤蜊意粉，醬汁清甜爽甜，意粉煮得剛好熟，入口爽滑入味，蛤蜊肉質鮮甜厚肉，香味散發。