Superhooman (Closed)

天后多嘢食，但多數係中式，茶餐廳，打邊爐，比較街坊的食肆，西式比較少。而朋友介紹天后有間全黑、型格嘅餐廳。但lunchtime 就開始多人，所以早啲11:00去到，避開人潮。正因太早，所以未肚餓，於是叫咗個沙律及一杯凍飲。他們上菜速度好有效率，而且店員亦會問，飲品與食物係咪一同上。沙律🥗有驚喜，藜麥配雞，看似普通，但醬汁卻提昇了整個沙律，十分醒胃，令人食欲大增。飲品🍹最正係飲品中的冰，大大粒，可保持冰凍，而且飲品飲到最後亦不會太淡。