小桃咖啡室 (Closed)

雖然銅鑼灣好多間樓上Cafe，但唔係間間都有好質素，咁啱朋友介紹左呢間，咁一於去試吓啦。一上到去，見到啲環境裝修都好靚，好適合情侶或者一大班朋友去，仲有得坐係出面，可以睇到銅鑼灣嘅風景。咁我哋就叫咗個煙三文魚意粉，啲煙三文魚食落唔會太鹹，個意粉就好香好入味。個蒜蓉包夠晒脆同香口，可惜得一舊呀。呢個串燒拼盤雞牛豬各有三條，可以幾個朋友分黎食。個牛食落好香，而且煮嘅時間啱啱好，唔會太硬或者咬唔爛。而個雞都好嫩滑而且好夠味，唔使點醬已經好好食。呢個意粉就好有香甜既茄汁味，食落酸酸甜甜咁好開胃，搞到我都忍唔住食咗幾碗，襯埋d蘑菇真係100分呀。原來呢度仲有間VIP房，入面有得打機又有得玩 board game，啱晒一大班朋友來玩啊，等我下次gathering提議下黎呢度先。