Mr. Korea Chicken (Closed)

唔講你唔知，銅鑼灣鬧市中有一間由韓國人親自打理的小店！朋友食過都讚好👍👍👍👍👍所以一於去試下真定假😤鑒於比較早上去，正直放工時間，故此人客較少！環境唔錯，簡單舒服，最緊要係舒服先會食得開心既😍大家見到牆身好似好舊？咁你就太年輕了～牆身係特別預留比大家發揮小宇宙嫁😂只要你唔怕羞就可以啦😏第一道點左佢地既招牌菜....煎蛋卷(芝士餡)！記得襯熱食，酸酸甜甜好開胃🤤而且好足芝士第二道點左炒粉絲...我就好鐘意食韓國的炒粉絲，果種質感一流！！！話明食炸雞，點可能唔食呢？今次一於試佢地既新菜式...柚子蜂蜜炸雞！👉開頭仲諗會唔會好怪，點知食落又好夾波，柚子的酸、蜂蜜的甜岩岩好！我一個人差唔多食左半份😱😱😱😱另外點左一份脆皮甜酸炸雞，可以一次過食兩種唔同既口味！有炸雞！咁點少得佢既拍檔...啤酒呢！有三種味道....今次就揀左Melon試下，飲落又幾好飲！韓式飯卷....真係好鬼多料好豐富，中間有舊牛肉嫁😂芝士魷魚拌韓式年糕....估唔到佢有咁大舊魷魚，真係好驚喜！泡菜年糕，帶點辣，味道濃郁，而且有魷魚嫁😍食都尾真係飽到飛起，老闆娘仲送左份甜品比我地食...蜂蜜番薯，好食不在話，重點係有人請食甜品