Video
Read full review
2021-10-24
140 views
今日嚟咗呢一間唔錯嘅西餐廳，幫妹妹慶祝生日。間餐廳喺旺角好方便，仲有三層。好彩有book定位，唔係都未必咁快可以入到座。Starter 前菜⭐️一口炸雞 炸雞好香口，炸粉落得唔算多，裏面啲雞肉好嫩，仲要好多汁👍🏻⭐️芝士焗大啡菇依個前菜好有驚喜！原本我以為淨係食到芝士香味，點知內有乾坤！中間夾咗個酸辣嘅泡菜醬，即刻令到成個菜好特別，而且好開胃。Side Dishes 配菜⭐️番薯薯條 番薯薯條炸到金黃酥脆，外酥內軟，而且本身返薯條都甜甜地，就咁齋食都好好味😋⭐️糖醋糖心蛋糖心蛋嘅賣相好靚，一開始真係唔捨得食🤣 酸酸甜甜，滑嘟嘟，蛋味好濃郁。Main Dishes 主菜⭐️美國牛腰扒 8 Oz 配 牛肝菌汁牛腰叫咗五成熟，真係啱啱好😋 切開少少紅，肉質好滑嫩，食落口牛味好濃。而且個牛肝菌汁好出色，令到嘅肉味更加香濃。⭐️西班牙海鮮飯 依個飯好足料，海鮮材料包括蝦、帶子等等都大大隻，而且好新鮮🤤 飯嘅濕潤度啱啱好。Cocktails 雞尾酒⭐️Yuzu Blossom 好清新嘅一杯雞尾酒。酒面落咗一個打咗嘅蛋白，所以飲落口感覺好滑。⭐️Pinky 妹妹就叫咗依一杯雞尾酒。酒味比我嗰杯濃，甜甜地，有濃濃嘅荔
間餐廳喺旺角好方便，仲有三層。好彩有book定位，唔係都未必咁快可以入到座。
Starter 前菜
⭐️一口炸雞
炸雞好香口，炸粉落得唔算多，裏面啲雞肉好嫩，仲要好多汁👍🏻
一口炸雞
5 views
0 likes
0 comments
⭐️芝士焗大啡菇
依個前菜好有驚喜！原本我以為淨係食到芝士香味，點知內有乾坤！中間夾咗個酸辣嘅泡菜醬，即刻令到成個菜好特別，而且好開胃。
Side Dishes 配菜
⭐️番薯薯條
番薯薯條炸到金黃酥脆，外酥內軟，而且本身返薯條都甜甜地，就咁齋食都好好味😋
芝士焗大啡菇
1 views
0 likes
0 comments
⭐️糖醋糖心蛋
糖心蛋嘅賣相好靚，一開始真係唔捨得食🤣 酸酸甜甜，滑嘟嘟，蛋味好濃郁。
糖醋糖心蛋
7 views
0 likes
0 comments
Main Dishes 主菜
⭐️美國牛腰扒 8 Oz 配 牛肝菌汁
牛腰叫咗五成熟，真係啱啱好😋 切開少少紅，肉質好滑嫩，食落口牛味好濃。而且個牛肝菌汁好出色，令到嘅肉味更加香濃。
8oz 美國牛腰扒配牛肝菌汁
3 views
0 likes
0 comments
⭐️西班牙海鮮飯
依個飯好足料，海鮮材料包括蝦、帶子等等都大大隻，而且好新鮮🤤 飯嘅濕潤度啱啱好。
西班牙海鮮飯
2 views
0 likes
0 comments
Cocktails 雞尾酒
⭐️Yuzu Blossom
好清新嘅一杯雞尾酒。酒面落咗一個打咗嘅蛋白，所以飲落口感覺好滑。
Yuzu Blossom
3 views
0 likes
0 comments
⭐️Pinky
妹妹就叫咗依一杯雞尾酒。酒味比我嗰杯濃，甜甜地，有濃濃嘅荔枝味，好適合女仔飲。
Pinky
2 views
0 likes
0 comments
Dessert 甜品
⭐️Hot chocolate brownie 布朗尼配雪糕
個甜品跟暖暖地嘅鐵鍋上，布朗尼朱古力味好濃，加埋個朱古力雪糕食，真係雙重享受🤤
鍾意食朱古力嘅朋友千祈唔好錯過！
布朗尼配朱古力雪糕
2 views
0 likes
0 comments
Post
