Video
Read full review
2024-08-23
1116 views
有個識飲識食既朋友真係好，今日就帶左我黎食呢間中式私房菜，環境優美，檯與檯之間有足夠空間，岩哂同朋友靜靜地傾計。我地兩個女仔唔係好大食，叫左3個小菜share。餐廳有唔小海鮮菜式選擇，不過就要提早預訂。所以我地今日就試下啲家常小菜先。 香煎銀雪魚，銀雪魚表面呈酥脆既金黃色，魚肉飽滿多汁，調味岩岩好，唔會太重，更突出魚既鮮味，另外配上清新的蔬菜，整體口感層次豐富。伴碟仲有沙律醬，沙律醬的酸度和甜度可以為口感增添層次。潮式涼瓜排骨煲，排骨肉質鮮嫩，吸收哂湯汁既精華。涼瓜清涼解膩，同濃郁既湯汁互相平衡。整體口感清新爽口，又不失肉類料理既厚實感，係一道極具層次感的經典潮菜。薑蔥魚腩煲，魚腩有先煎香，魚肉質地厚實。薑蔥的香氣撲鼻而來，同魚腩的味道完美融合，非常惹味，配飯一流!黎緊有屋企人生日所以問下餐廳多人預約有無得包房，原來有得包房，仲可以打麻雀，想搞鬼啲仲有得自訂字句display喺大屏幕，下次一定要帶屋企人黎!
我地兩個女仔唔係好大食，叫左3個小菜share。餐廳有唔小海鮮菜式選擇，不過就要提早預訂。所以我地今日就試下啲家常小菜先。
香煎銀雪魚，銀雪魚表面呈酥脆既金黃色，魚肉飽滿多汁，調味岩岩好，唔會太重，更突出魚既鮮味，另外配上清新的蔬菜，整體口感層次豐富。伴碟仲有沙律醬，沙律醬的酸度和甜度可以為口感增添層次。
潮式涼瓜排骨煲，排骨肉質鮮嫩，吸收哂湯汁既精華。涼瓜清涼解膩，同濃郁既湯汁互相平衡。整體口感清新爽口，又不失肉類料理既厚實感，係一道極具層次感的經典潮菜。
薑蔥魚腩煲，魚腩有先煎香，魚肉質地厚實。薑蔥的香氣撲鼻而來，同魚腩的味道完美融合，非常惹味，配飯一流!
黎緊有屋企人生日所以問下餐廳多人預約有無得包房，原來有得包房，仲可以打麻雀，想搞鬼啲仲有得自訂字句display喺大屏幕，下次一定要帶屋企人黎!
Post
