Romanne Leisure Food Concept (砵蘭街) (Closed)

好耐之前已經喺OpenRice見過呢間餐廳，Romanne Leisure Food Concept位於旺角朗豪坊隔離嘅朗晴坊，一座小小嘅大廈，都有吾少美食，之前都喺戈度食過野。主菜、pasta、前菜、小食應有盡有，菜式都好大眾化，仲有2人套餐同4人套餐，價錢都幾公道。韓式辣醬蜜糖炸雞翼做餐前小食正🤩蜜糖炸雞翼就食得多，有埋韓式辣醬夠曬特別。辣醬辣得好惹味🔥炸雞翼好脆，炸得黎又冇話真系比人感覺太油膩，反而系幾juicy😋連埋韓式辣醬出奇地match。脆鱈魚牛油果蕃茄醬意大利飯我諗系餐廳自創？鱈魚同牛油果味道都好新鮮，蕃茄醬意大利飯醬汁都夠入味🍅牛油果同蕃茄又健康，適合注重健康人士。跟住試個明太子醬烤魷魚意大利麵，向來好中意食明太子嘅菜式，明太子醬味好濃😍啖啖都系明太子味，仲有好多紫菜💜魷魚仲要系魷魚鬚，好有嚼勁。飲品方面叫咗榛子朱古力同埋榛子咖啡🌰兩杯都好飲😋甜度恰到好處，榛子味飲品確系好好嘅飲品選擇。