Séan Cafe (Closed)

係人來人往嘅尖沙咀中，竟然俾我發現到一個可以忘憂解壓嘅花花世界。小店叫<Sean Cafe>，就咁喺門面睇都未算靚，入面先靚得誇張！！入到去裏面，主色係少女粉藍色，無論牆定係檯面都有花，靚得嚟唔俗氣，同行女友人即刻已經心心眼。擺設亦係走可愛少女風格，喺度進餐絕對係賞心樂事。雲石設計加上簡單但美觀嘅裝飾，打卡吸like地點首選！！連自助飲水嘅位置都佈置得美美的。當然餐牌亦唔例外咁以花為主題，除咗好靚同好舒服之外都唔識點再形容呢個地方了，總之就係正啦。〈粟米蘑菇忌廉湯〉隨餐有餐湯，今天是粟米蘑菇忌廉湯，都幾香濃唔會水流流，不錯不錯。〈明太子海蝦扁意粉〉主食選了扁意粉，一來到的時候我也不敢<嘩>了一聲，因為真係好靚。明太子的分量非常之多，每一條彈牙的扁意粉都可以粘附到很多，味道微鹹，連同秘制醬汁一齊吃的確非常滋味，而且還有四隻爽脆的海蝦呢！！🦐🦐🦐〈杞子紅棗桂圓茶〉餐飲當然要選女生最愛的養生茶，我選了甜甜的〈杞子紅棗桂圓茶〉，杞子明目，加上清甜嘅桂圓同埋補血嘅紅棗，好清甜好滋潤，絕對補而不燥。〈朱古力脆脆班戟〉女生的聚會又怎可以少了甜品？？二話不說選了店長推介