Video
Read full review
2022-01-05
33 views
厚福街隔離新開左個小型嘅food court，food court由外面望入去已經好有氣派，好有歐陸風情▪️坐定左之後就可以用QR code落單，成個food court有幾間餐廳可以點，仲可以跨店點餐，夠哂方便👍▪️今次試下入面其中一間泰國餐廳😋餐廳雖然細細地，但係食物種類都幾多下，有唔同嘅飯類、沙律、湯同小食，食物款式絕對可以拍得住一間大嘅泰國餐廳👍▪️order完食物之後，好快就上齊菜，仲熱辣辣架🥰🍢串燒(豬肉／牛肉／雞肉) $88沙嗲汁都好夠味，仲有花生混入左其中，香味同口感都有齊😋肉燒得好香，肉汁鎖哂喺肉入面唔會太乾，每串串燒都好大串，食落啖啖肉雞肉好滑，豬肉唔會太多筋，牛肉都唔鞋！🍲冬陰功 $98佢地嘅冬陰功份量好大，湯連埋個爐一齊上，咁就唔洗怕而家天氣凍啲湯好快凍哂啦🥰湯夠酸同唔會太辣，香茅味好夠！！而且幾足料，凍冰冰飲返啖熱湯，酸酸辣辣，再食埋啲海鮮暖身啱哂🦐🍛海南雞飯 $70雞肉無骨好嫩滑，配搭嘅酸辣汁酸味好出，點雞肉提鮮好好味！！配埋油飯簡直一絕！🍛青咖哩飯 $65咖哩香茅同椰香味好夠，唔會好辣，唔嗜辣嘅朋友都可以食到！咖哩色水好靚，質地夠濃稠，撈飯啱哂！咖喱份量好大可以
▪️坐定左之後就可以用QR code落單，成個food court有幾間餐廳可以點，仲可以跨店點餐，夠哂方便👍
▪️今次試下入面其中一間泰國餐廳😋餐廳雖然細細地，但係食物種類都幾多下，有唔同嘅飯類、沙律、湯同小食，食物款式絕對可以拍得住一間大嘅泰國餐廳👍
▪️order完食物之後，好快就上齊菜，仲熱辣辣架🥰
🍢串燒(豬肉／牛肉／雞肉) $88
沙嗲汁都好夠味，仲有花生混入左其中，香味同口感都有齊😋
肉燒得好香，肉汁鎖哂喺肉入面唔會太乾，每串串燒都好大串，食落啖啖肉
雞肉好滑，豬肉唔會太多筋，牛肉都唔鞋！
🍲冬陰功 $98
佢地嘅冬陰功份量好大，湯連埋個爐一齊上，咁就唔洗怕而家天氣凍啲湯好快凍哂啦🥰
湯夠酸同唔會太辣，香茅味好夠！！而且幾足料，凍冰冰飲返啖熱湯，酸酸辣辣，再食埋啲海鮮暖身啱哂🦐
🍛海南雞飯 $70
雞肉無骨好嫩滑，配搭嘅酸辣汁酸味好出，點雞肉提鮮好好味！！配埋油飯簡直一絕！
🍛青咖哩飯 $65
咖哩香茅同椰香味好夠，唔會好辣，唔嗜辣嘅朋友都可以食到！
咖哩色水好靚，質地夠濃稠，撈飯啱哂！咖喱份量好大可以撈哂成碟飯都冇問題😋
估唔到喺food court入面嘅餐廳都可以咁有驚喜，好抵食而且份量夠大，三個人share都夠！第日喺尖沙咀都可以試下呢間新間嘅food court，座位坐得舒服，環境又乾淨，連個廁所都好乾淨(好重要！)👍
Post
