Opa Mediterranean Bar and Bistro (Closed)

每次經過尖東，都會見到呢間餐廳，估唔到鬧市之中，藏著有度假風情的一隅。餐廳主打地中海菜，是次周六來到，試下假日brunch set。🍀🍀🍀🍀🍀🍀🍀🍀🍀🍀🍀🍀🍀🌸鷹嘴豆泥（跟餐）👍豆味香濃，軟滑細膩 帶微酸，加埋紅石榴有層次，無論味道還是質感個人10分喜歡！🌸磨菇湯（跟餐）👍都幾有誠意，食到有粒粒菇、洋蔥同埋黑松露味，唔會打得太碎，反而食到蘑菇質地滑脫脫 。🌸西班牙多士（跟餐）一客兩件。多士酸酸甜甜，同配料都好夾 ，其中一個有三文魚在內，配搭較味出色而且味道豐富。🌸 Seafood Skewer海鮮串燒$230 +10%（套餐）見到其他人點海鮮串燒好打卡，我都唔執輸，賣相太吸引！用鐵架吊著串燒，分別有檸檬、洋蔥、甜椒、三文魚、吞拿魚、鮮蝦，而汁液由上順流，慢慢滴落底下麵包 ， 10分令人垂涎欲滴，而海鮮質素不俗。🌸 Paella 西班牙海鮮飯$230 +10%（套餐）員工會現在大頭蝦上淋上酒，然後以火槍點火，感覺幾高級有特色！更用了鐵板上碟，飯粒更為脆焦，未試過呢種口感，幾特別阿！🌸 西班牙油炸鬼（跟餐）有肉桂味，即炸所以脆脆地，幾香口。而且加上草莓裝飾，賣相清新。