Video
Read full review
2024-01-15
22 views
公司有兩個經常露營嘅同事，言談之間講開銅鑼灣有間以主題為露營嘅餐廳，一直都想體驗一下露營感覺嘅我，緊係即刻訂位試吓啦！露營生活位置係銅鑼灣Sogo對面，一條鬧市之中竟然可以露營，真係大開眼界！位於銅鑼灣黃金廣場四樓，一入到餐廳見到裝修設計、餐枱擺設真係以為自己去咗營區準備露營，而且餐廳附設有室外區域，室外嘅位置仲更加有Feel！不過我怕凍就選擇返室內享受我嘅晚餐。職員介紹比我哋知，揀選咗嘅食物如果怕燒烤味沾身嘅情況下係可以安排師傅燒，但為咗更大體驗就選擇咗自己燒，而食物選擇咗兩個餐前小食&4款自己燒嘅食物，包括：-黃金炸魷魚鬚-自家制和牛薯餅（配自家鮮蕃茄醬）-野菜燒物拼盤-鍋燒牛油廣島蠔-牛舌薄切（日式藥味京蔥）-宮崎和牛赤身4點黃金炸魷魚鬚香口鬆脆自家制和牛薯餅暫時係我喺香港食過最好味嘅和牛薯餅，外層香脆口感，入面嘅牛肉好香，配埋呢度自家鮮蕃茄醬真係好好味，呢款係必食！野菜燒物拼盤有8款蔬菜，包括青瓜、雞肶菇、蕃薯、粟米、秋葵、冬菇、南瓜同埋菠蘿，啱哂鍾意好多款式但又怕點得多食唔哂嘅人士。牛舌薄切（日式藥味京蔥）雖然薄切，但每一片牛舌都好長，燒到一半再卷埋配備嘅京蔥，入口爽口得嚟又
露營生活位置係銅鑼灣Sogo對面，一條鬧市之中竟然可以露營，真係大開眼界！位於銅鑼灣黃金廣場四樓，一入到餐廳見到裝修設計、餐枱擺設真係以為自己去咗營區準備露營，而且餐廳附設有室外區域，室外嘅位置仲更加有Feel！不過我怕凍就選擇返室內享受我嘅晚餐。
職員介紹比我哋知，揀選咗嘅食物如果怕燒烤味沾身嘅情況下係可以安排師傅燒，但為咗更大體驗就選擇咗自己燒，而食物選擇咗兩個餐前小食&4款自己燒嘅食物，包括：
-黃金炸魷魚鬚
-自家制和牛薯餅（配自家鮮蕃茄醬）
-野菜燒物拼盤
-鍋燒牛油廣島蠔
-牛舌薄切（日式藥味京蔥）
-宮崎和牛赤身4點
黃金炸魷魚鬚香口鬆脆
自家制和牛薯餅暫時係我喺香港食過最好味嘅和牛薯餅，外層香脆口感，入面嘅牛肉好香，配埋呢度自家鮮蕃茄醬真係好好味，呢款係必食！
自家制和牛薯餅
$78
8 views
0 likes
0 comments
野菜燒物拼盤有8款蔬菜，包括青瓜、雞肶菇、蕃薯、粟米、秋葵、冬菇、南瓜同埋菠蘿，啱哂鍾意好多款式但又怕點得多食唔哂嘅人士。
牛舌薄切（日式藥味京蔥）雖然薄切，但每一片牛舌都好長，燒到一半再卷埋配備嘅京蔥，入口爽口得嚟又有層次口感。
牛舌薄切（日式藥味京蔥）
$118
0 views
0 likes
0 comments
鍋燒牛油廣島蠔入面除咗牛油&蠔之外，仲有洋蔥、冬菇做配料，而且亦有醬油調味，蠔身飽滿充滿牛油香味；而洋蔥亦吸收哂醬油味道，好好味。
宮崎和牛赤身4點有四款唔同部位嘅牛肉，包括牛腹腩、牛小排、赤身肉及和尚頭。建議由牛腹腩開始品嚐，然後牛小排、赤身肉，最後就和尚頭。
牛腹腩肉質平平穩穩無驚喜；
牛小排肉質結實，油脂較前者豐富；
赤身肉肉質細緻，肉味濃郁；
和尚頭肉質非常細緻軟嫩！
宮崎和牛赤身4點
$428
1 views
0 likes
0 comments
總結：不可錯過嘅一間餐廳，而且自己燒都好，食完個身係完全無燒烤嘅味道，證明呢度嘅通得設備做得好好。
Post
