City Dancer Grill & Live Music Bar (Closed)

呢間餐廳絕對值得推介！我地一去嗰時就被佢嘅景觀震撼到，一眼睇晒銅鑼灣、跑馬地同中半山太壯觀喇！餐廳有一個係天台嘅戶外位置，可以遠眺維景海景！餐廳嘅服務態度都真係好好，上菜嘅時候會介紹菜式特點，非常有心機對待客人。餐湯：紅菜頭紫薯湯湯嘅質地好滑順，而且味道鮮甜，有紅菜頭嘅特色，加埋紫薯仲更加香甜，亦有蕃茄包可以點湯食，味道非常夾。主菜：香煎羊架配香草意大利飯羊架係煎得恰到好處，外脆內嫩，每一口都帶有肉汁嘅鮮味。佢嘅香草意大利飯亦都好好食，飯粒香軟，香草嘅香氣令味道更加濃郁。主菜：炭燒纽西蘭肉眼配薯菜肉眼牛扒炭燒得好好食，外表煙燻嘅質感加埋嫩嫩嘅肉質，令人垂涎欲滴。薯菜伴碟亦都都好鮮美，唔熱氣！小食：芝士焗薯條。薯條煎得金黃酥脆，芝士嘅香味同埋濃郁嘅口感真係無得挑剔！小食：泰式炸蟹餅蟹餅嘅肉質豐實厚肉，泰國風味醬料帶有微辣同埋酸酸甜甜嘅味道，味道同口感一流。飲品：涷鮮奶咖啡、熱檸檬水如果你想要享受美食、美景同美妙既音樂，City Dancer Grill & Live Music Bar一定係港島區嘅首選！