Video
Read full review
2023-11-29
38 views
🌮 泰式蛋包炒金邊粉 $118賣相超特別，淨係咁已經見到幾有心思，將啲蛋整成網狀咁包住啲金邊粉，金邊粉味道剛好，微微帶甜，金邊粉炒得唔算乾身，但材料豐富，有超大隻嘅炸蝦、豆腐乾、花生等，都幾惹味㗎< 4/5 >🌋 火山排骨 $228好大盤，真係十足火山咁，排骨肉量都好夠，肉質軟腍，我哋叫咗汁另上，食到排骨本身味道都好香，點埋佢嘅泰式酸辣汁真係勁開胃，好啱一大班朋友食，必食之選< 5/5 >🍖 泰式串燒 (半打)(豬牛雞各2) $108每次食泰國嘢都一定會嗌串燒，但好多時都係失望，尼度就有晒驚喜，豬牛雞嘅肉質都好鮮嫩，而且明顯食得出各自嘅味道，點埋沙嗲醬就更惹味，仲咁貼心俾客人自己配搭食咩肉，真係冇得彈< 4.5/5 >🫕 椰汁雞湯(小) $118酸酸甜甜嘅湯好開胃，椰汁味都算出，材料都幾多，有唔少雞喺入面，而且肉質鮮嫩，唔會煲到鞋晒，仲有啲菇同其他香料，令到個湯更加香< 4/5 >🥭 芒果糯米飯 $88暖暖嘅糯米飯配上甜甜嘅椰漿，非常好味，糯米夠煙韌夠熱，口感極好，椰漿稠得適中亦唔會太甜，芒果分量多，而且好甜，一定唔可以唔
🌮 泰式蛋包炒金邊粉 $118賣相超特別，淨係咁已經見到幾有心思，將啲蛋整成網狀咁包住啲金邊粉，金邊粉味道剛好，微微帶甜，金邊粉炒得唔算乾身，但材料豐富，有超大隻嘅炸蝦、豆腐乾、花生等，都幾惹味㗎
< 4/5 >
🌋 火山排骨 $228
好大盤，真係十足火山咁，排骨肉量都好夠，肉質軟腍，我哋叫咗汁另上，食到排骨本身味道都好香，點埋佢嘅泰式酸辣汁真係勁開胃，好啱一大班朋友食，必食之選
< 5/5 >
🍖 泰式串燒 (半打)(豬牛雞各2) $108
每次食泰國嘢都一定會嗌串燒，但好多時都係失望，尼度就有晒驚喜，豬牛雞嘅肉質都好鮮嫩，而且明顯食得出各自嘅味道，點埋沙嗲醬就更惹味，仲咁貼心俾客人自己配搭食咩肉，真係冇得彈
< 4.5/5 >
🫕 椰汁雞湯(小) $118
酸酸甜甜嘅湯好開胃，椰汁味都算出，材料都幾多，有唔少雞喺入面，而且肉質鮮嫩，唔會煲到鞋晒，仲有啲菇同其他香料，令到個湯更加香
< 4/5 >
🥭 芒果糯米飯 $88
暖暖嘅糯米飯配上甜甜嘅椰漿，非常好味，糯米夠煙韌夠熱，口感極好，椰漿稠得適中亦唔會太甜，芒果分量多，而且好甜，一定唔可以唔食
< 4.5/5 >
🧉 椰青 $52
爽甜，椰肉都唔少，大大個，都幾抵嘅
< 4/5 >
-
🥤 泰式奶茶 $36
泰茶同普通港式茶唔一樣，有種獨特嘅香味，但就略嫌偏甜咗少少，如果茶味多啲就更好
< 3.5/5 >
—。—
+ plus 10% service charge
—。—
好味👅：4.5/5
服務💁🏻♀️：4/5
抵食💰：4/5
環境🏖：4/5
Post
