La Casa Bistro (Closed)

平日既上環人多車多，好鬼急促。到晚上想安安靜靜食個飯，傾下計，我都偏向諗起呢間LA CASA. 環境不大，但位置都坐得夠舒服，唔會感覺迫隘。食物選擇都唔少架，而且價錢在區內亦算親民，可以時時去嘗試新野。當日，就點左兩款小食，加上一個意粉同雞肉。第一款小食有四色芝士迷你比薩，四種芝士各有風味，有的較甜；有的奶酸味較重；有的比較香，味道非常多元化。最重要係一定襯熱食，熱騰騰既時候拉起既絲絕對係感官既享受。第二款小食就係蟹肉牛油果蕃茄撻，外層既 酥皮夠脆身，裡面既蟹肉同牛油果非常香，而且質感好滑身，但內有少少蕃茄添加咬口，所以整體口感相當豐富 味道亦夠晒清香。主食方面，野菌忌廉煙肉燴雞🐔非常香既菌味，加上香草，香氣相當吸引。忌廉沾埋法包一齊食味道偏甜，唔會太濃味。雞肉夠晒入味，質地鬆軟，份量亦都夠晒齊齊分。煙三文魚🐠意大利青瓜及香草忌廉濶條麵 整體味道清新，青瓜同蟹子味道夠晒清甜，濶條麵吸晒淡忌廉既甜味，配上少許南瓜味，味道相當吸引。另外，煙燻三文魚🍖味道亦都很不錯，肉質不會煮散晒，淡淡既魚香