咖啡灣 (Closed)

去咖啡灣唔使入汀九，去海灘又唔使過銀綫一二灘，鬧市新都地二期，地鐵寶琳站上電梯，睇唔到都好叻，門面好大好靚清雅重有隻天鵝仔入牆壁有擺設，望落有家的感覺，成個人都靜咗落嚟，休閒一餐。我地入到嚟都係睇睇下，不過就發現有海鮮，咪試下啦！先上個松露磨菇湯，，唔錯，唔太粉，配料足，味可口。 軟殼蟹沙律 芝麻醬成隻蟹都見到，啲菜盤住喺下面好似啲沙咁 ，睇落都已經好睇，再加埋啲芝士芝麻醬，聞到都香噴噴好味。海膽龍蝦飯海膽唔鮮唔好食，一上枱就唔見晒，無法喇，脹卜卜，咪你一义我一义，义晒喇，龍蝦就得開邊兩條肉，又係一义一甩落埋口，跟住食白飯，好彩啲飯係意大利飯，就咁食都得。香蕉朱古力咖啡窩夫去到咖啡灣梗要搵咖啡，飲得多又想停一停，噢！見到香蕉朱古力咖啡窩夫，哈哈…齊晒我至like嘅野，如果窩夫係泡夫重正，可以成日出嚟泡嘞！